IT'S MY LIFE♥

今朝起身如常地搽藥膏...發現我d"焦"開始甩出黎

仔細一看...原來已經全部甩哂

超開心>v<我原本既果個胎誌淡左好多好多

不禁令我概嘆現今科技既先進=]

果種感覺好奇妙,,,由有到冇既果種感覺好得意

突然覺得發明用激光去印去斑既果條友真係好利害

另一樣令我本日心情愉快既係今日既午餐

雖然係一樣好普通既野...但我已經覺得好幸福

相信我係地球上第一個為可以食公仔麵而覺得幸福既人

正確一點可能我是一個白痴XD

今日太過無聊,,,尋日舅父交帶果張餐單我都仲未打

就突然想玩勁舞團..但今日玩完之後又有點厭倦

始終都係果句:道不同不相為謀C_C

所以聽日都係快D搞掂張餐單佢喇

BTW,呢個舅父都算係親戚入面唯一一個做生意既人

如果出海捕魚唔算係一門生意的話

講番正題,,,消失的疤痕係咪意味著我之後可以過番人類既生活呢?

呀媽比既答案係:NO!!!

呢個no字將我打番落谷底/___________\

手術至今雖然只有一個星期,,,但唔知點解覺得d時間過得好似好慢咁

過一星期對我黎講好似過成幾星期咁耐-_-

原因可能包括:空閒既時間太多...我就咁就虛耗左一個星期既17歲光陰

一星期足不可以出戶...連落街都因為要擔遮覺得好煩所以作罷

我真係唔明d隱蔽青年點解可以忍得住唔出街

我對部電腦對對下都覺得好悶....

就算只係落街行下都好過24小時留o係屋企

就算日日有機比你打...都會覺得厭喇大佬~_~